Haur fisioterapia
"Mugimendu askatasunak esan nahi du haurrari, adina edozein dela ere, bere jarduera autonomoan bururatzen zaizkion mugimendu modu guztiak aurkitu, probatu, esperimentatu, trebatu eta denboran zehar mantentzen edo lagatzen uztea".
Emmi Pikler
Familia-aholkularitza
0-3 urte bitarteko haurren familientzako informazio eta hezkuntza saioak dira.
Garapen psikomotorrean, haurrek modu askean eskura ditzakete mugimenduak, eta jolas autonomo bat egin, baldin eta horretarako ingurune-baldintzak bermatzen badizkiegu. Haur bakoitzaren garapen psikomotore optimoa ziurta dezakegu eta eboluzio-zailtasunak prebenitu.
Familia saioetan honako hauei buruz aholkatzen dugu:
Errespetuzko zainketak: elikadura, loa, arropa aldaketak.
Haurraren maneiua: desplazamenduak, posizio-aldaketak.
Jarduera autonomorako espazioa.
Haurraren manipulaziorako, miaketarako eta jolaserako objektuak.
Helduaren rola haurraren jolas eta mugimendu librean.
"Ekintzarako eta giza mundua eta mundu fisikoa eraldatzeko gaitasuna aurkitzeak, norberaren bizipena aldatuko du eta autonomiarako bideari ekingo dio."
Myrtha Chokler.
Haur-fisioterapiako banakako saioak.
Tratamendua garapen-zailtasunetan 0-7 urte bitartean.
Banakako tratamendua egiten dugu gorputza orekatzeko eta sendatzeko eskuzko teknika leunen bidez, haur bakoitzak ahalik eta gaitasun handienak gara ditzan.
Tratamendua egoera hauetan izan daiteke onuragarri: goiztiartasuna, bularreko haurraren kolikoa, gasak, idorreria, bularreko haurraren tortikolia, aldakako displasia, postura arazoak, garapenean atzerapena duten haurrak, garuneko paralisia, tonu muskularraren alterazioak, sindromeak alterazio motorrekin, zaintiratuak, hausturak, tratamendu postkirurgikoa, beste batzuk.
"Haur bakoitzari egokitutako baldintzetan, bere mailan eragiteko poza, bere gaitasun eta aukerengan konfiantza eta autoestimua lortzen saiatzen da".
Agnes Szanto.
